كبير ياهلال .. كبير ياهلال .. كبير أيها الزعيم ..



مساء القهر والذل

هذا الكلام مجرد فضفضة مشجع نصراوي مسكين أو بـ معنى أصح أصبح مسخرة للجميع ..!!

في كل مباراة ياتي النجم الكبير طارق التايب ويمسخر لاعبيننا من اول لاعب الى اخر لاعب ..!!

عبدالعزيز الخثران الي طق عمره 70 جالس يطقطق كعوب وون تو ومبسوط ودلوخنا يتفرجون ..!!

ليه لاعبيننا اذا لعبوا أمام الهلال يصيرون دجاج ..!!

الزعيم اليوم ناقص .. عزيز والشلهوب مالعبوا ألا اخر المباراة .. ومع ذلك فازوا ..!!

واحنا لاعبين كل فريقنا مابقى ألا يخلون معيض أساسي .. ومع ذلك يفوز الهلال ..!!

لاعبين النصر من أولهم الى اخرهم لو أجتمعوا كلهم ماجابو نص مستوى النجم الكبير طارق التايب ..!!

طارق التايب قسم بالله العظيم أنت مكانك مو هنا .. أنت مكانك الدوري الأسباني أو الأنجليزي ..!!

هذا وأنت مصاب .. أجل شلون لو ماعندك أصابة ..!!

النفطي .. ياحلاة من لفك بـ كيس وأرسلك لـ تونس ..!!

لكن الشرهه مو عليك على الي جابك عندنا .. توكل على الله رح لـ ديرتك غير مأسوف عليك يامغرور ..!!

ضياء هارون .. يقولون أنه ضياء الملاعب .. وأنا أقول .. حسبي الله عليك وعلى الي جابك للنادي .. لابو من خلاك لاعب ..!!

هذا الحارثي حقكم الي مستانسين فيه وترفعونه فوق السماء وهو مايسوى .. مثله مثل أي لاعب عادي ..!!

ولايهون الشهراني كروز ..!!

الحارثي . ياخي ألعب نص اللعب الي تلعبه بالمنتخب مع النصر .. ولا النصر مو مهم خلاص الجماهير النصراوية صارو بمخباتك ..!!

ننتظر من أساد يدخل البيشي .. ونتفاجأ أنه يدخل نجم بوليود .. أحمد المبارك خان ..!!

فعلا أثبت الهلال اليوم أنه زعيم وأنه نادي كبير .. وهو ناقص يفوز .. وزيادة على كذا مسخرنا أمام الجميع وخلانا مانسوى ..!!

مبروك ياهلال .. لأول مرة أقولها من قلب .. ألف مبروك أيها الزعيم ..!!

ودي أشوف وجهك يالدغيثر .. أجل تنصح الهلال يروحون للثمامة ..!!

الوليد بن بدر ( أبو سماعة ) أوووه السيجارة لها جو خاصة أن كنت مهزوم ..!!

يقولون طلو بيكتب قصيدة للماجد والكاسر .. خخخخخخ والله العظيم قلة حياء .. فريقه صاير مسخرة وهو يكتب قصايد ..!!

حسبي الله عليكم من أدارة من أولكم ألى اخركم ..!!

ومثل ماقلت في ردود سابقة أني متشائم والهلال بيفوز .. وفعلا طلع كلامي صح ..!!

خيرها بغيرها .. ونعوضها ضد الحزم ونجران والقادسية إن شاء لله ..!!


اللهم لاشماته


تحياتي: ---00عاااابرسبيل00---