:137:

مغريات الشباب والفتيات

المقالات السابقه : 1) مقدمه عن مغريات الشباب والفتيات
2 ) الفيديو كليبات
3) ستار اكاديمي وافلام الغراء


4) الإنحراف العاطفي
من اهم المشكلات اللي تواجهنا في سن الشباب سواء الشباب والبنات وخصوصا البنات هي مشكلة الفراغ العاطفي ويتمنى كل شخص انه يملا هذا الفراغ العاطفي ومايملأ هذا الشعور العاطفي غير الزواج ( لا احد يقول خويتي وخويي) لان الزواج سكن بين الانفس وهو نصف الدين

واكثر مايحس بمعاناة الشاب والفتاه الغير متزوجين, هم الشباب والفتيات المتزوجين اللي مرت عليهم نفس المرحله وعاشوها لحظه بلحظه, وصبروا واحتسبوا وابتعدوا عن الطرق المشبوهه والمحرمه الي قد ترضي شعورهم وغرائزهم في تلك اللحظه ولا كنهم تركوها ارضاء لخالقهم عز وجل ( الشباب والفتيات اللي يخافوا ربهم),

وما غرهم غيرهم من الشباب والفتيات اللي غرتهم الدنيا وماصبروا واحتسبوا, وصار اهم ماعندهم انهم يملاون هذا الفراغ عاطفيا وتمادوا في الشي هذا وماكانو ساعتها يفكرون ايش ممكن تكون عاقبتها, وماعرفوا أن طريقهم هذا مصيره يجرهم الى الغلط زي ماصار بين شباب وبنات كثير كان في البدايه حب ونية زواج وشوي شوي بدء كل طرف يميل للاخر وبدات رغبته الجنسية تظهر الين ماصارت المصيبه
بينهم ......
هل هذا اللي بينهم كان حب في الله , حب يتمنى الواحد تكون نهايته زواج؟؟؟؟؟؟ جاوبوني....


يابنات (خصوصا ::

الزمن هذا ماعاد فيه احد يحب من قلبه حب في الله (يعني لو حب الواحد بنت في الله مستحيل يغلط عليها اذا كان قصده شريف وهو الزواج في النهاية, اكيد لازم يتمنى لها الخير والستر زي اللي يتمنى لاخته بس مين اللي يفهم) اللي يحبو كذا صارو قليلين جدااا هذا النوع مايتجاوزون 0.7% من عدد الشباب, يعني معنى الحب تشوه, الله لايبارك فيهم وصار الواحد يستحي يقول انا احب ( لو كان من النوع الاول).

لاتتاثروا يابنات
للاسف الى الان فيه بنات متاثرات بالافلام الرومنسية والمسلسلات والحب والقصص الرومنسية في الكتب وتتوقع أنها راح تعيش قصة حب ومن الكلام هذا وان أي شاب جاء ودخل في خطها وبين لها انه يحبها واهتم فيها تصدق على طول وتثق فيه وتتعلق الين يصير يمشيها على هواه من كثر ماتحبه .

بالمناسبة انا شاب واعرف شباب كثير من كل الفئات, من اللي يخافو ربهم, واللي غرتهم الدنيا ,واللي ملتزمين , والفالتين (كل الانواع)
فالشباب اللي ربي يهديهم ومخربين الدنيا على نفسهم والهتهم الدنيا, وكل واحد فيهم يعرف اربع او خمس بنات يحكون قصصهم مع بعض وقدامي وانا مقهور ومستغرب من البنات اللي يوثقون فيهم لدرجة أن البنت تقدم نفسها بين ايديه َ!!!!

اقول لهذا النوع من الشباب:
كفايه كذب ياشباب حرام عليكم بنات الناس مو لعبه واللي يسوي الشي ذا اكيد انه ما يرضاه لاخته وربي ماراح يتركه راح ترجع يا في خواته يا في بناته يا في زوجته ...
كفايه تصديق من ناحيتكم يابنات, كفايه استسلام للحب مهما كنتي تحبين واحد اذا هو يحبك فعلا يبغاك زوجه يجيك معززه مكرمه مايقول نطلع سوى نتعرف على بعض اكثر نتعشى ههههههههههه تصدقونهم؟؟؟؟؟؟
عاد اللي بتصدق بعد كلامي هذا بكيفها( اكيد ماتخافين على نفسها اكثر مني ) اللهم اني بلغت.

قال احمد شوقي
خدعوها بقولهم حسناء والغواني يغرهن الثناء
..... ....
..... .... ........
فاتقوا الله في قلوب العذارى فالعذارى قلوبهن هواء


اذا كان احمد شوقي يقول عنكم كذا هل ترضين بما تملكين من عقل أن احد يخدعك بس بكلمة مدح او ثناء؟؟؟؟؟!!!!!! لا عارف انك منتي من النوع ذا (للتذكيرفقط)

انا تروني شاب فاذا انا اقول لكم الشباب كذا وانا واحد منهم تصدقوني والا تكذبوني؟؟؟؟؟؟

عاد بكيفكم اهم شي قلت اللي في راسي وبريت ذمتي واللي راح يضحك عليها واحد بعد كلامي هذا تستاهل.



الجهل
صحيح اول كان فيه جهل بس بعد ما صار فيه امثله قدامنا وضحايا صرنا واعين وعارفين ( انا اتكلم للبنات الشريفات فقط وما اوجه كلامي للبنت اللي راضيه تكون متاع وتفريغ شهوات لغيرها , هذي انا ما اوجه لها كلامي انا موجه كلامي للبنت اللي لاول مره تحب شخص تنتبه لنفسها ترى انا اتكلم من حرقه عليكم).

بس اذا صار وكلمت البنت شاب وحبته هل تتوقع انه هو برضه يحبها ؟؟؟ انا اجاوبها اقول لها لاتتوقعي انه يحبك بيقول عنك داشره وماراح يتزوجك مو كل الشباب كذا بس(99.3%) منهم ماراح يتزوجون لانهم شاكين ويقول اللي تكلمني تكلم عشره غيري وابقول شي ابغى البنات يصدقوه.

اول مايكلم الشاب بنت او يرقمها في سوق اول نيه له تكون نيه بطاله يعني لا حب ولا غيره.

ممكن انتي تحبين حب غير طبيعي ونيتك زواج, بس الشاب اول مايبني علاقته مع أي بنت الحب هذا مايعترف فيه ,ويخلي قلبه في درج الملابس حقه ويتكلم ويسوي حبيب وهو يقول في نفسه ما اتزوج(بنت داشره < > خاينه لاهلها ولربها ومايجي على باله إلا انك مثله ماتبغين غير تفريغ رغبتك الجنسيه)

وكل اللي يبي منها افراغ شهوته الجنسيه ( سامحوني على الجراة) مهما طال معك في الحب والاخلاق والاخلاص والغيرة عليك ( تريه قاعد يشبع رغباته الجنسية مع بنات غيرك ومسوي انه يحبك لحالك الولد المخلص اللي يخاف ربه, وتري اول مادخل لغيرك بنفس الطريقه اللي دخل لك صدقيني ترى هذا اللي حاصل ( انا ادرى منكي) واذا استمريتي على حالك معه مصيره يجي يوم تنصدمين فيه بعد مايسلب منك اهم شي عندك وهو شرفك( لاتنتظري الين يصير لك بعدين تصدقيني!!!!!!

صدقيني اللحين يالله بسرعه .....يالله يا احلى بنوته..... خلاص تاكدتي ..... ايوه شاطره خليكي كذا على طول.

مو كل الشباب لعابين كذا عشان مااظلمهم بس ( 99.3% منهم نسبه بسيطه صح).

الاحصاءات حسب دراسة ميدانيه اجريتها ف بحث التخرج هههههه لا احد يصدق

وزي مافيه شباب كذا فيه بنات (والبنات ادرى) لاتبي حب ولا غيره نيتها الشي الحرام ( وانا ما اتكلم عنهم لان اللي يبي الشي ذا كيفه ربي فوق ومصيرها يجي يوم تنفضح واذا ماانفضحت مصيرها تموت وربي يحاسبها عن كل غلطه سوتها اذا ماتابت وباب التوبة مفتوح بس لا احد يقول اتوب اذا كبرت ممكن تموت ماكملت قراة المقال؟؟؟؟ ).

بس انا اتكلم عن البنت اللي متوقعه انه فيه حب عن طريق الترقيم الشات والبلوتوث (مع انه خلاص واضح ناس قبلك جربو ا و جاتهم صدمات نفسيه يوم اكتشفوا أن اللي توقعت انه يحبها طول هذا الوقت طلب منها اشياء غلط).
والحمد لله هذا اهون من انها تضيع شرفها ودينها.

اهم شي البنت اللي مصممه انه فيه حب عن طريق الشي ذا ترقيم وشات و بلوتوث وغيره تكون ذكيه وبلا غباء وثقه زايده( بس اعتبرها غبية الي تصدق) وتقول له اذا تبيني هذا بيتي واذا كان يحبها بجد راح يجيها واذا لعاب تكون كشفته من بدايتها.
اهم شي الواحد لايغلط و يطيح في الحرام ومصيرنا الموت وربي راح يحاسبنا على كل ماسوينا صح الواحد غريزته ممكن تسهل له اشياء وممكن تجره للغلط بس لانكون منهم,....

لكل شاب وكل فتاه

خلي اكبر غلط ممكن توصلين له في حياتك انه يكون مكالمه هاتفيه لشخص ممكن حبيته وودك يكون لك زوج وماتكون فتره طويله ( ما اقول كلموا بس اذا صارالغلط هذا اقصى شي مسموح فيه) لكن طلعات وتمشيه ومطاعم وابعد من كذا في الاغلب يتذكر انه مصيره يموت وليه يغلط في اشياء وتعتبر من كبائر الذنوب. وانتم عارفين ايش يصير بينهم.


البنت اللي تقرا اللحين ( انا احبك في الله وممكن اكثر من اللي تتوقعين انه يحبك وانا مااعرفك اقول لك لا تنتظرين وتكونين ساهيه لاهيه الين تطيح الفأس على راسك
يعني هل ممكن اللي تحبينه انتي من 0.7 % ؟؟؟؟؟؟؟ اذ ادلك على كل خير واصلح حالك مع ربك وصرتي احسن من اول في دينك .... ممكن يكون منهم .

بس فيه ناس يدخلون للبنات نصح وارشاد الين توثق البنت فيه وبعدين يبان على حقيقته ( انتبهوا لاتثقون في أي انسان ثقه عمياء < ولا حتى انا> ههههههههه)

(انتي غاليه على نفسك وعلى اهلك واخوانك و ابنائك ( ترضين تغلطين وتسوين الحرام ويجي يوم يطلع من رحمك ابناء من زوجك ويخرجون مع مكان احد غير ابوهم لمسه او شافه؟؟؟؟؟؟
كيف راح يكون شعورهم لو عرفوا؟؟؟؟؟؟!!! )

ان شاء الله ماتوصل لذا الشي بس لازم تنتبهين الشيطان ملعون وممكن يجرك للغلط في لحظة ضعف , واضعف نقطه يدخل بها الشيطان هي هذي النقطه اذا كانت رغبتك العاطفيه والمتبوعه بالرغبه الجنسية متقده. (انتبهي لنفسك كلنا بشر وعندنا شهوات داخليه ربي حطها فينا يشوف اللي يعبد هواه واللي يعبد خالقه )

ممكن الشباب اللي يقرأون رسالتي (هذا اذا وصلو الين النقطه هذي اصلا) يقولون بس تتكلم عن البنات اقول ايه في الفراغ العاطفي هم اللي محتاجين يعرفون اكثر منا نحنا الشباب .

خلاصة كلامي مع البنات الشريفات فقط

مهما وصلتي لاعلى درجات الحب خلي حبك في الله يعني الشي اللي يرضي ربك سويه يعني لو مثلا حبيتي انسان ( انا ما احرض او احث على العلاقات بين الشباب والفتيات بس لو انه صار وهذا كثير ومنتشر) وقال اللي أن شاء الله انه يحبك في الله وحب زواج: خلينا نتقابل!!!!

صدقيني لو تقولي لا اول واحد راح يحبك اكثر هو , لانه ساعتها راح يوثق فيك ويقول مع كل هذا الحب لي, قالت لا.
هذا هو الحب اللي يعترف فيه الشباب اللي يدورون حب قبل الزواج

واللي يزعل ويقول ماتثقين فيني ماتحبيني قولي احبك بس كل شي له حدود واذا تبيني تعال مع الباب غير كذا ماتشوفني.

واذا تركك عشان الشي هذا وصار مايسأل عنك بالطقاق هو الخسران.
واحمدي ربك انه بان على حقيقته ومهما كنت تحبينه الحب اللي كنتي تكنينه في صدرك له دوسي عليه برجلك العفيفه وخليه لانه ماكان يحبك كان يبي يضحك عليك وبيغى يهين كرامتك, وربي راح يعوضك باحسن منه وراح يجازيه على اللي سواه معك.

ولا تدوري بعده احد خلاص ( الاولى ياصابت ياخابت لاتقولي احاول مره ثانيه وثالثه ممكن احصل شاب يقدرني ويحب صح ) بس اذا انتهت على كذا وانتي سليمه حافظه دينك وعرضك ماتعتبر خابت, واصبري وخليكي قريبه من ربك الين يجيك اللي يقدرك وياخذك من بيت اهلك معززه مكرمه اذا انتي بنت ناس وتستاهلين وهذا اللي واضح والدليل انك تقرئين مقالي الين اللحين مع انه طويل هههههههههه.

(كلكم غاليات على قلوب اهاليكم فلا يجي اليوم اللي تنزلون من عيونهم)
وياختي لاتكوني فار تجارب يعني نسبة نجاح الحب عن طريق شات, وجوال وترقيم اسواق وغيره زي ما قلت 0.7%.

و99.3 % فاشله ونهايتها يافاحشه او فضيحه, واذا سلمتي من الثنتين راح تتعبين نفسيا,يعني ممكن تنصدمين في اللي توقعتي انه يحبك,و بعد فتره يطلب منك اشياء ماعمرك توقعتي يقولها لك, ففيه بنت ممكن تتنازل عن شرفها, بس انتي, وبنات الاصول اللي زيك اللي يخافو ربهم هم اللي مايرضون وتجيهم صدمه عاطفيه

(بس احسن لك تنصدمين عاطفيا ولا يصير لك شي لاسمح الله شي يضرك في دينك ولا في حياتك) وربي يعينك ويصبرك ويعوضك واهم شي تحفظين نفسك وترين الدنيا ماتسوى كلنا للموت وليه نغلط , نصبر ومصيرنا نتزوج وكل اللي نفسنا فيه نسويه والله يصبرني ويصبركم ويزوج اللي ماتزوج ويهني المتزوج اهم شي ان الواحد يحب ربه واللي يرضي ربه راح يرضيك ويرضي اللي يحبك اذا كان يحبك في الله وان كان حظك زين وطحت في ال 0.7% من اللي قلت عنهم برضه انتبهي الشيطان ملعون وربي يحميكم ويحفظكم ويبعدكم عن الحرام.
ولنقل لأنفسنا وأهوائها كالشاعر الذي يخاطب نفسه:

الا يانفس ويحك ساعديني بسعي منك في ظلم الليالي
لعلك في القيامة أن تفوزي يطيب العيش في تلك العلالي


ولو يفكر العاقل ويشوف اللي ضيعوا دينهم وشرفهم يقول
ليه كل ذا عشان شهوه ماقدرت تمسك نفسك ساعتها طيب وبعدين ......................................
انتهت الدنيا هل هذا الشي يستحق الواحد يغلط عشانه ؟؟؟؟؟؟

كلنا عندنا شهوات<<<<< وحفت النار بالشهوات والجنه بالمكاره

بس الواحد يصبر ويبتعد عن اي شي يثيره وان شاء الله هي فترة الشباب بس اهم شي الواحد يتذكر ان مصيره الموت واللي صبر وابتعد عن اشياء كثيره في حياته وهي متوفره قدامه وكل ذا مخافة ربه, يكون واثق ان ربي ماراح يساويه باللي التهى في الامور هذي وصار كل همه انه يلبي رغباته الداخليه الجنسيه وغيرها وبطرق محرمه وراح يجي اليوم اللي تقل فيه هذي الامور وراح تجيه بالحلال وحتى لو ماجاتك ولا تزوجتي كل شي قسمة ونصيب كل ماكانت البنت محترمة في لبسها واخلاقها كل ماكانت مرغوبه كزوجه (شئ بديهي).

وتاكدوا راح يجي يوم يندم الغلطان فيه ويقول ياليتني صبرت, ويفرح الصابر ويقول الحمد لله ان ربي حماني.

( اهم شي نصبر ومصيرنا ان شاء الله نتزوج قولو اااااااااااااااااااامين ).

وان شاء الله كل واحد يتزوج وحده تكون نسخه كربونيه منه.
الانسان طماع لكن في الشي ذا <<<<
يارب كل بنت صبرت وابتعدت عن الشي هذا خوف من ربها انها تاخذ شاب صابر مثلها.
واللي غلط في حياته وندم وتاب ياخذه وحده غلطت وندمت (اكيد ماراح الشاب يوافق؟؟!!!!!! غريب الانسان)

(وان شاء الله الطيبون للطيبات والخبيثون للخبيثات )
والله يرحمنا برحته ويثبت المتقي ويهدي العاصي

اهم شي الدنيا لاتاخذنا وتلهينا عن طاعة ربنا وكل انسان يغلط محد كامل بس فيه اغلاط ربي يتجاوز عنها بس الكبائر اذا تجاوز عنها ربي نحنا ماراح نتجاوز عنها لا ازواج ولا زوجات المستقبل.

قال الامام الشافعي في وصف الدنيا:
ومن يذق الدنيا فإني طعمتها*****وسيق إلينا عذبُها وعذابها
فلم أراها إلا غرورا وباطلا******* كما لا ح في ظهر الفلاة سرابها
وماهي إلا جيفة ٌ مستحيلة ُ****** عليها كلابٌ همهنَ اجتذابها
فإن تجتنبها كنت سلما ً لأهلها****** وإن تجتذبها نازعتك كلابها

:.118:

تحياتي: ---00عااابرسبيل00---

يعطيك الف الف الف عافيه على الموضوع الرائع


تقبل مروري

عاـــــــــــــــبر معك حــــــــــــــــــــــق


ترى انتضر الجزء الثاني ابغاك تطلع كل خفايا الشباب


يعطيك العافيه
تقبل مرووووووووري

الله يعطيك العافيه اخوي على هاالموضوع فعلا موضوع يشد الانتباه وموضوع جدا رائع وبصراحه كل كلمه تقولها صح مافي شي اسمه حب في هاالزمن والي يقولك احب كذاب وبصراحه انت ماخليت لنا شي نقوله الله يعطيك الف عافيه

الفراغ العاطفي هو تلك الفجوة التي يشعر بها الفرد عندما لا يجد من يفيض عليه حنان ومشاعر تحسسه بأهميته وقمته الذاتيه وفي المقابل أيضا عندما يتلفت لمن حوله ولا يجد من يفضي له بما داخله من حب وعواطف طيبه ، سواء من حنان الأمومة ، الأبوة ، الأخوة ، أوالصداقة وغيرها..

اننا لا نبالغ عندما نقول اغلب فتياتنا وفتياننا يعانون من مشكلة الفراغ العاطفي وتعود اهم اسباب ذلك الى البيئة التي يقطنونها ، فاللوالدين دوراً اساسيا في هذه المسئلة ، فإذا ما تربو على العطف والحنان وانثيال الكثير من تلك العواطف الجياشة عليهن ، لن يفتقرن الى الحب وعليه نضمن سلامة عواطفهن .


فكما قالت د/ رقيه المحارب في نصائحها وهي :

أولاً: الحنان الأسري والإشباع العاطفي حين الطفولة من حق أولادنا ، وإذا راهـقـوا فهم أشد حاجة إلية ، ويجب إيصاله لهم بطرق مختلفة.

ثانياً: فتح باب الحوار مع الشباب ، والإجابة على أسئلتهم بكل شمول على أن يكون ذلك بهدوء وتعقل واحتوائهم بكل ماتعنيه هذه الكلمات ، وقدوتنا في هذا معلمنا العظيم رسول الله صلى الله عليه وسلم في حواره مع الشباب الذي قال له :" أتحبه لأمك ؟ قال:لا ، قال: أتحبه لأختك ؟ قال :لا، وأخذ صلى الله علية وسلم يسأله .. وهو يقول كذلك الناس لا يحبونه".


ثالثاً: احترام مشاعر الأولاد وتقدير كل مرحلة عمرية يمرون بها وإعطاءها حقها من جميع النواحي قدر الإمكان ، الناحية العقلية والاجتماعية والنفسية ومحاولة سد حاجتهم فيها ..


رابعاً: التقرب إليهم ، والتودد لهم ، وملاطفتهم.


خامساً : احترام علاقاتهم ، واختيار الصحبة لهم منذ الصغر بإحسان انتقاء الحي والمدرسة .


سادساً: الابتعاد كل الابتعاد عن الاستخفاف والاستهزاء والتحقير ..


سابعاً: الثناء عليهم أمام الآخرين لما في ذلك من رفع لمعنوياتهم والإحساس بقيمتهم.


ثامناً: تكليفهم بأعمال محببة لهم ، وإشعارهم بنجاحهم فيها ومكافأتهم عليها لأن في ذلك إعطاءهم الثقة في أنفسهم .

تاسعاً: محاولة جذبهم واتخاذهم أصدقاء ، ومصارحته ، والاستماع لحديثهم والإنصات له وتوجيههم دون إشعارهم باللوم والتأنيب وعدم إفشاء أسرارهم بعد المصارحة.


عاشراً: أخذ استشارته بإحدى الأمور بقصد إعطائه الفرصة للشهور بنموه العقلي والعاطفي.


أحد عشر: مشاورة الفتاة في سن الزواج إذا تقدم لها أحد الخاطبين ، لأن ذلك مما أمر به ديننا الحنيف .


اثنا عشر : إشغال وقتها بما تحبه وترغب فيه من الأعمال ، وإعانتها ومساعدتها بطريقة تحببها فيها لتكون ربة بيت ناجحة ، وإشعارها بأن سيكون لها مملكتها الخاصة بها قريباً بإذن الله تعالى .


ثالث عشر : الإكثار من الدعاء لهم دائماً بحضورهم وفي غيابهم.


رابع عشر: عدم كتمان المشاعر الأبوية عنهم ، لما في ذلك من سعادة لهم ورفع لمعنوياتهم.


خامس عشر: العطف عليهم دائماً وخاصة عند المرض.


سادس عشر: إبعادهم بقدر الاستطاعة عن المثيرات الجنسية والعاطفية ، لأنها لا تلبث أن تدفع إلى الرغبة في أي صورة كانت.


سابع عشر: إعطاؤهم الهدايا التي تناسبهم في مراحلهم العمرية ، وما يتناسب مع ميولهم واتجاهاتهم .


ثامن عشر: حثهم على استغلال أوقاتهم وخاصة في الإجازة ، دون التصريح لذلك وإنما باختيار الوسائل المناسبة ، بإهدائه بعض ما يقرأ ويسمع على أن يشتمل على تشويق لجذبه.


عابر سبيلـ .../

مشكـ.ـ.ـ.ـ.ـ.ـ.ـور ع الموضوع الرائع

بجد شي منتشر وكثير الله يحمينا ياارب

من كل شر ومكروهـ

مرحبا اشكرك على طرح الموضوع ...........ز الموضوع حساس جدا لكل شاب وفتاة بس ياريت لو كان بإيجاز لإنو طول الموضوع قد لايمكن الساب او الفتاة بقرائته كامل وانا عضوة جديدة في المنتدى اسمي حنان من الاردن اشكرك كتير على الموضوع بس طلبي الوحيد انك تساعدني على الانضمام زوالتعرف على اصدقاء المنتدى اذا سمحت واشكرك من كل قلبي

مشكور اخوي على الموضوع



وبصراحه


موضوع مهم والمفروض الكل يسمعه


انشالله اكل يفهم المغزى



اخوك عبدالله