بسم الله الرحمن الرحيم

السلام عليكم ورحمة الله وبركاته



قبل فتره ليست بالبعيده ظهر الشاعر منصور الغازي العتيبي بقصيده يكشف بها مدى شاعرية يوسف رزاق ( شاعر المليون )

ويتهمه بانه شاعر متلقي للقصائد وانه اخذ قصائد من تركي الغنامي والد طفل شاعر المليون للأطفال وايضا تلقى قصائد من الشاعر عبدالله السليس وايضا الشاعر فهد القثامي

وايضا ظهر في قناة الواحه وذكر نفس الكلام واقسم بالله وطلب مواجهتهم وذكر ان لديه ادله سيخرجها لمن يهمه الامر من شيوخ القبيله وابنائها ايضا

واليكم القصيده


علـى طـاري تكلـم صـح بـلاش انفسـر الالغــاز
تصدت لك فراستنا حكت بدري علــى اعجــــــازي

كتايب جمجمت راس الفطين اصغت مع الايعاز
جميـــع افرادهـــا ودت لـــه التكميــل تعـــــزازي

ولكــن ضـابـط الخاطـر تـدارك هجمتـه بنجـــاز
حفضها بسفل ادروجه كتب مرخوص ومجــــازي

عطــاك ايضاحـه ابصورت نـرد الكيـد مايعتــاز
تطمـن مـا علـي اخـلاف ابـد لـو طحـت متـــــوازي

تجـنبـت الطـريـق اللـي جمــع شـرواك واللمـــاز
وسلكـت الطـريـق اللـي لــه التقــديــر بــــــروازي

لكـن اشـوف لك خطـوه تمــر احـذاي بستفـــزاز
لك الله مــا وقعـت الا بـدرب ابعيــر وحجـــــازي

مصيبــه ياغـراب البيـن غـدا ليلك سـراج وقـــاز
بطــول شعلتــه وحـرق فتيلك وانهـــي القــــــازي

مع انك خارج الساحه ولا لك با الوجود احـــراز
تعـنزت الكـتــوف اللــي تمـــدك بــا التعنـــــــازي

سطع نجمك بسم فرخك على انه با النتيجه فــاز
تـرزز وانتهـــى المخـرج ولا فــادك تــــــــرزازي

وتضيـرت ابـضنا غيـره تماريبـه علـى التلفـــــاز
تمـاريبـه تبـا الشهــره وهــو لولاك ما امتـــــــازي

يقـولـون العــرب اول شبـــع مـن امــه الخبـــــاز
ملـيت ابطينــه ابكـثــر العجيـن وصار خبــــــــــازي

حفـظ حبـك العقــول اللـي تصدر بعدها وامتـــاز
تمسكـن ثــــم تمكـن عقبهــا مـا عــاد يعتــــــــازي

لقـى ناس(ن) تصفقله يحطــونه علـى المعكـــاز
مكـنــه غيـر ابـا الاسـود وبـن تمــام والــــــــرازي

خطــا يـا مجـلس الامـــه تلـزون المقــام إلــــزاز
تكـرم لجلـكـم عنـده شيـوخ احشـام واعــــــــزازي

منـح ختمــه علــى صورت بقايــا لجنـه الايجــاز
لـبس ثـوب الخضار وضيـع المعروف ونحــــازي

ونا ادري بعضكم نادم خصوص العود ابو معكاز
وباقي بعضكم ندعي عسـى الله عقـلـه ايـــــــوازي

يجـوزلهـم لا قـالو حـر ولاهو حـر ومهمـا جـــاز
حقيقــة حـركــم مـــره حقيقــة حـركـم بـــــــــازي

تــرى ســم الحـرامي بـا الادلـــه لـو لبس قفـــاز
لكــن المشكــله الاصــار قـاضيهـا لـه امـــــــوازي

وانــا لــو جيت ابشـرح وتكلـم مـا بـديت الغــــاز
تصـدرت المجـلــه والخبـــر عـاجــل ابتلفــــــازي

لكـن ابـرفــع النضــره وبـرقـــع طيـرنــا فــــواز
حذاري تعترضله درب ووضعك في تهـزهـــــازي

واذا غـرك ظهـور اللي على كتفك شبيــه البـــــاز
هنـا هنـا مرصادكـم هنـا منصـور انـا الغــــــــــازي



وبعد غياب فتره طويله من انتشار قصيده الغازي يخرج يوسف رزاق برد على قصيده الغازي

لكن اول ملاحظه على قصيدة يوسف انها لا تحمل نفس قافيه منصور الغازي والمفروض يكون رده على نفس القافيه

ايضا القصيده بها كسور في اكثر من بيت


واليكم القصيده



اناكـان لـي وجهـة نظرلاتـزال الآن
على حالها.... والحال مايندرى بعديـن

على اللـي مـورد كلمـةٍ مالهابرهـان
يقول السنين تعلـم الرجل..لكـن ويـن

لوان السنيـن تعلـم وماهـوب غلطـان
اجل ليه اصدق ضحكة الناس الى ذالحين

حكايات وامثال وقصايد وهـرج لسـان
ماغيرنتناقلهـا لاجـل نكسرالروتـيـن

ولاهي من السنّه ولاهـي مـن القـرآن
ولكنها مثـل الدراهـم لـهـا وجهـيـن

مثل.. من يقول ان افة العالـم النسيـان
ومثل من يقول ان الجمايل سواة الديـن

وانافي رقبتـي ديـن عبـدالله وسلطـان
مقـادم كتايـب جيشنـا فالنهارالشـيـن

سلاطيـن نجداعيـال مـن وحّدالشتـان
مجدي الجهام معزي مطّـوع العاصيـن

حدود البلاد من الحديثـه ليـا نجـران
حكمها بشرع الله والسيـف ابـو حديـن

عموماًً مثل ماقالوا الهـرج لـه نيشـان
من البيت هذا نقطه..وفاصـل وخطيـن

لياصار يمديني على المـا واناعطشـان
ابشرب واعيّن خير واجلس واسولف لين

ارد الخبر والكلمه اللـي وعدهـا حـان
ابقولهـا واعلّـم اللـي ماهـم داريـن

لياصرت حلولسان....ماني قليل احسان
موفقنـي الله ومتجمـل مـن الصوبيـن

لأني وانا صادق علي الحـرام ان كـان
تكلمت فظهـور الاوادم وهـم مجفيـن

لكّن لاذكرت اني مسلّم علـى الرديـان
تمنيـت ربـي لوخلقنـي بـدون يديـن

ابقـول للـي ينطـح براسـه الجـدران
حسب مااتضحلي فيه وحده من الثنتيـن

او انه من الجدران متضايـق وزعـلان
او انه يبي يطلع لكن ما يعـرف منيـن

ابتجاهله واسكت لوان السكـوت احيـان
ضعف..وانهزاميه..وذله..وكسرة عيـن

وانالاسكتّ اسكت لأنـي وسيـع بطـان
ومتأكـد انـي لاضعيّـف ولامسكـيـن

ابقـوم بحمـول الرفاقـه واناشـقـران
يشيل ظهري حمل المجانين والصاحيـن

على شانهم والا انت ياممسح الريضـان
تبي تتعـب حنـا علـى حالنـا باقيـن



ثم ييعود الشاعر منصور الغازي برد آخر قووووي جدا جدا

ويطلب من يوسف رزاق المواجهه بدل التخمين .. وانه سوف يظهر اثباتاته

ايضا قصيده الغازي كانت على نفس قافيه رد يوسف رزاق فلا يستغرب منه ذالك لان الشاعر لابد ان يرد على اي شاعر بنفس قافيته



واليكم القصيده






<<<< لتحميل القصيده اضغــط هنــا >>>>


اضغط كليك يمين ثم حفظ الهدف بأسم



ابستأذن القمه وبرضيك يا سلمان
وباخذ مع الخمه على قافهم شوطين

اباطا على الجمره وبكيف الخرمان
وبنزل على واد الضما وروي الضامين

مع ان البيوت الوارده تفقد الاوزان
ركيكه بلا معنى ويبغالها تحسين

ولوهو ضحك تركي وصفق لها غسان
علي الحرام ان الهوا يشخل الجنبين

وهذا دليل ان السوابق لها فرسان
وثوب العواري ماستر عوره العارين

مشاعر يتيمه وامها حضرت الفهمان
يدرر لها الخلفه وتشرب من الشقين

يطيح العشاء لاصّدرت والبطن مليان
ضوت للحليب الثلث ويبقى لها ثلثين

وكبرت وصارلها ثنايا لبن واسنان
وكبّر لها اللقمه ونشبت على الفكين

ولاهي غريبه شطحت الخبل يا سلمان
تبي تكبر وتلقى من الشاكله عشرين

سجاح الكذوبه شاطحه ب اول الازمان
تقول النبوه عندها تغوي المصغين

يُاذن مؤذنها لجل يجمع العربان
ولكن عثرها الله وقفت مع المقفين

صراحه وبطرحها على كفت الميزان
لجل ترضي الضايق ولاتزعل الراضين

عموم الدول لظروفها تفتح البيبان
وتترك رعايها على منفذ الحدين

احد واثق الخطوه وحد تايه وبلشان
قضى معظم ايامه يدور على تعيين

يجي با الزمن لجه صدى بهرجه واعلان
وتلقح مع المنسي على خبره المعطين

ويلقى مع الزحمه على ذمه البطران
رقم شاغر امعين على رتبت انت امنين

وانا من عرفت العلم ربعي هم العتبان
زحول الرجال اللي على صلبهم راسين

ولافيهم الباير ولا فيهم الخوان
ولا قدسو علي ولا قدسوه احسين

زعامه وذبح الحيل في واجب الضيفان
شجاعه ولطم العيل لاعالو المخطين

عسى الفلسفه تغني عن الشرح والتبيان
ومن عقبها بترك سطر فاضي وقوسين

ابفهم اللي ترسمه ريشه الفنان
على الصوت والصوره لجل يعجب الغاوين

انا لا ضربت اضرب برجلي على اللحيان
اعزم الصراحه وانحر الشك با السكين

احده على اليمه وهو يطمر الجرفان
فضيحه وثبتها على نفسه المسكين

يقول السوالف كلها مالها ثبتان
وانا اقول واجه واترك الهرج والتخمين

اقدم براهين وحقايق وحلف ايمان
عليها شهود ولاتبي نشدت المفتين

حقيقيه ولو تكمن على شفت الطرمان
على وجوههم تظهر تعابيرها وتبين

واذا هي سلام انا على لحيتي شرهان
حسافه ومحسوبه عليه ليوم الدين

سلامي شرف والا انت من قوم ابو عدنان
تبوس الكفوف ولحيتك مالها تثمين

وعلى طاري الحيله تبي تمدح ابليهان
تبي تغسل الحنى عقب لوّن الكفين

على عهدنا الاول تماديت يا ضبيان
وعلى عهدنا الثاني تبي تنقل الوجهين

وعلى دربها تجحد مواقف لها عرفان
افضول الرجال اللي لها نسبه التسعين

عشان العزاوي شمرو دونك الذرعان
لك ارخو رسايلهم ومدولك التموين

ولكن صحيح ام(ن)بلانا بها الشيطان
عسى الله يجنبنا رباء مكسب التأمين

يزيد اعترافك با الهزيمه مع الكتمان
اشوف البشر يمك اتناظر بنص العين

ولا ضنتي من يقبل الذل والخذلان
يبي يرتكي لحمول الاقصين والادنين

مثل من يقول الحر يشهر بلا جنحان
ومثل من يقول الحنضله في طعمها زين

نصيحه لوجه الله يافلان ولد افلان
لاشفت الجمل هادر فلا تنطحه بقرين

ومادامها خربت وفاحت وكلش بان
تجنب عن الساحه ولا تشحذ البيتين

ودور على خيمه وسطحه ورى ببان
وكد الحديد وحط رقمك على البابين



لكن هل سيواجه يوسف رزاق الشاعر منصور الغازي؟؟؟؟ ام سيلزم الصمت كـعادته ؟؟؟



منقول