اتحدى واحد مايضحك من هالموقف اللي صـار
بسـم الله الرحمن الرحيم
نبـدأ ، والا نروح نلفلف بالاقسام الثانيه <<<<< ياسمجك اخلص علينا
يقولوون ،، ( وانا من شركه يقولون ) ، ان الفول مطبوخ .. والعلف مربوط <خخخخخ
وقالو وقلنا ، وجلسو وجلسنااااااااااااااااا <<<<<< والنهايه سخافه سقيمه
بس عاد تدرون .. انا مواصل وفاصل ومستلج ومحشش ومقزز وكل شي
بس الغريب بالموضوع تدرون وشو <<<<<< يلعن ابو المخرج؟
المهم
هذا ياطويلين العمر والسلامه ،، عندي صوحيبي وولد عمي سويرق ( سارق الود )
هالرجال من عرفته واحلامه ماتتعدى راس خشمه < هههههههههههههههههههههههههههههههه
يااما يحلم ، انه يربط كرفتة عادل امام برقبته ،، او انه ( يلبس ) جينز توم كروز
المهم مانطول عليكم :: اتصل فيني جوال ، قال عبود بمرك اللحين
قلت : ووين نروح ؟؟
قال:عندي مشوير يم ( سوق البلد ) <<< مايعرف غيره ( سوق ابوريالين + حراج الزل ) وتخب عليه
المهم : انا طبعا لبست ثوب عندي هو الجديد عاد من عقب حروق العيد ( بس الجيب اللي على اليمين مشقوق ) يعني فيه صدمه
والبس ذاك الشماااااغ اللي يلق لق ( يلمععععععععع ) من النشاء ومن قوة الكوي اللي جاه
المهم ،، لبست ، ونزلت لـ سويرق اسفل ، لقيت سويرق مبلش العالم ( طاط وطيط ومستعجل ) ويابن الحلال انزل
قلت يالله هذاني جيتك .. وراك كذا مستعجل
قال : ( انا اعرف واحد حارس بالسوق )
قلت : نكمل بالسياره ، ونشوف وش ورانا اليوم
الغريب بالموضوع : ( ان ريحه سارق كلها ( فيري في فيري ) ) ، الرجال اثاريه مغسل السياره عند بيتهم < ههههههه الله من الملح الزايد
< فرد كل سوالف ساااااااااااااااااااااااااااااارق .. بالمنتدى على طبق من ذهب ههههههه < انواع الفضائح
عاد طلعنا بالسياره وياليل سارق :: عبود عبود <<< وسعابيله ترسم البسمه على شفاته ، وقت يناديني ههههههههههه
انا ارد عليه : هلا سويرق سم حبيبي امرني ، وش السالفه وراك متلهف كذا وتبينا نروح السوق :: لايكون نويت ترقم اليوم ؟؟
قال : فيه واحد من الشباب باحد الاسواق ( المشهوره عاد ) مانبغى نوضح عشان الفضيحه ماتشتهر ههههههه
وش فيه هالواحد ياقلبي !!!!!؟
قال: هذا طول الله بعمرك :: عينوه امس ( حارس امن بالسوق ) .. والرجال مايقصر معنا يبي ، نروح السوق وماحد بيمنا
انا عاد اكلمه : طيب وش المفيد لو نروح هناك ..
قال : بتعرف اللحين يارجال << وقت قال بتعرف اللحين ( شششششيييييييييط اعووووووووووصصصص ) صوت تفحيطه
هذا واحد طول الله باعمراكم ، هايس بارد .. في هالشوارع ذاهب ماله عرب يلمونه عن الدشره : وتسبب في سقوط عقال سارق بين رجوله ههههههههههه
جلس حبيبي سارق يهاوش .. ويدعي ، و من هالكلااااااام <<< برستيج سارق بصراحه راح فيها
تخيـلو .. ( يغسل السياره + يكوي الغتره بالبيت + غسيل للثوب ) بصراحه مجهود ثلاث ساعات بدا يتلاشى في اول تقاطع بحارتنا <<< تحطمت مجاديف ساااااارق
طلعنا من حارتنا ، وقف سارق عند احد السيارات العائله ( واقفه بجنب شقق مفروشه ) ، وعاد سارق يمشي والثقه طالعه من اذانييييييييييييه اللي رايحه مثل صحن الدش
طبعا نزل سارق ، وفي لحظه نزول سارق ( بطريقه تلقائيه وضعت يدي على المسجل ) عشان ارخي الصوت الشادن ، والمبهج والمفـرح
صــــــــــــــ ‘‘ مزعل فرحان = صفحه سارق الغنائيه المفضله ‘‘ ــــووووووووووووت < هههههههههه
تعرفون ، نظرات البنقاله اللي تحت الشقق ( تخطف وجهي ووجه سارق ) وعيونهم مليئه بالسخريه على هالدلوخ وين الله حاطهم ووين رايحين
عاد ، انا مو منتبه وش صار لـ سارق .. ( ماشاء الله نزل الطاقيه ) وبدا في وضع اصابعه في اعماق شعره ( اقرع من الامام ومن النص ) وفقشه في مقدمه الراس
يعني .. لو يحط اصبعين بشعره ، تقدرو تقولون راح يغطي ( كامل الشعر ) الموجود على راسـه المستدير <<<<< هههههههههه
عاد حنا في فتره مابعد صلاه المغرب .. واناظر في يد سارق وهي تميل ذات اليمين وذات الشمال على جسمه المطعج من كل ناحيه
والملفت لـ النظررررررررررر في هالموقف <<<<<<<<< لمعاااااااااان ساعه سارق ( اللي لونها ذهبي ) شاريها من سوق الصواريخ < ويكذب علي يقول سويسريه < وهي ام لمبه خضراء ، ام ثمانيه ريال < هههه
<<<<<<<<<< عينه بـ عين سارق وهو يقرا هالكم الهائل من المعلومااااات عنه هههههههههههههههههه < يقفل جواله هههه
وفي اللحظه الحاسمه ،،،، سارق يمسك الطاقيه بطريقه عربجيه ( وضع يديه على اطراف الطاقيه ) ووضعها على راسه
في لحظـه ان سارق ،، بيحط العقال على راسه ((((((( تفاااااجئت ))))))) بما رأيت من سااااااااارق
سارق <<<<<<<<<<<<<<<<< تقولون احد نفظه بـ سلك كهرباء او احد شبك في اذانيه كيبل كهربائي
يلتمس ، ويتحرك يمين وشمال ، ومرتبببك .. وحالته يعلم الله فيها < مثل اللي طاح من جيبه فلوس ، ويدور عليها او شي زي كذا
نزلت انا بسرعه قلت بشوف وش حصل على سارق ،، وراه بدأ يتلخبط كذا ويرتفس مثل الاضحيه وقت النـحر ؟؟؟؟ هههه
سارق <<<<<<<<<<<< يناظر نفسه في قزاز السياره الخلفي << وورا هالقزاز ، عجوز يمكن عمرها حول الـ 60 < المهم هي بدويه
شوفو العجوز وش سووت في سارق << قمه النذاله << تفتح الباب كاملا بـ أتجاه جسم سارق < هههههههههههههههههههههههههه
وطبعا ، من عوايد البدو اثناء الاجازات ووقت العصريات <<<< الهروله في الطعوسسسسسس < يعني السياره بتطلع نظيفه ببالكم ؟؟؟؟؟
منظررررررررررر يـحسد عليه سارق ( الثوب الابيض = تحول لـ طعس في النفوذ )
المكياج اللي مسويه عند الهندي ( اللي بحارتهم ) = نيفيا + بودره <<< تحول لـ عروق منصبه في وجه هالمسكين
طبعا العجوز << ماعلقت على الموضوع <<< يكفيها ان سارق نط من عندها وراح يم سيارته وانا متلثم وفااطس ضحك
سارق يقول = الله يلعن ابو الحاله ،، وش اسوي اللحين ،، ياخوي وجهك وجه شر من جيتك وانا على هالمشاكل شلون تبيني اكمل اللحين؟
قلت : عندي لك حل ياسارق وان شاء الله يرضيك بما انك مستعجل كذا
قال: وش الحل!؟
قلت: الحل تفصخ بالشارع ، وترمي ثوبك في مغسله الشقق المفروشه ، وبينما نلفلف اكيد المغسله بتنهي الموضوع كامل
يعني كل الشغله ، ماراح تاخذ من الوقت الا ربع ساعه = وهالربع ساعه تكفى لفلفه في ذاك الحي الكبيــــــــر
قال : شورك وهدايه الله ( سارق على الريحه ماشاء الله ) وفصخ ثوبه المطعس
والله وهو متجه لـ المغسله ويمر من جنبه ذاك التكروني هههههه
<<<<<<<<<<<< انا اناظر في عيون سارق ، وعيون سارق على نظرات التكروني اللي تحمل لـ سارق كثيراً من التساؤلات
سارق وبطريقه غير مباشره يخاطب التكروني : نعم يابو الشباب وش تشوف قدامك ، لايكون تطريز السروال اعجبك ، وتبيني اشوف لك مثله < شايف نفسه سارق وقتها
شوفو وش قال له التكروني <<<< قال: ياولدي ( والله تسوي خير فيني ) لو تعطيني اللي عليك ، وأوفر عليك مشوار السوق < هههههههههه
ههههههههههههههههههههههههههههههههههه ،، انا وقتها اضحك < وتعالو ندور سارق وين راح
سارق يعطي ظهره لـ هالتكروني ويقول : فارق يرحم امك ماني فاضي لك ،، وبخطوات سريعه يرمي الثوب عند المغسله ويركب السياره
وتعالو نشوف وش صار بهاللفلفه ( سارق بفنيله وسروال سنه ) < وانا مرسم ومكشخ في المقعده الاماميه
اخذنا اول لفه في الحاره ،، ماصار الا كل خير = يعني اقل شي ماصادفنا تعليقات من شباب الحاره او من البزارين
ثاني لفه <<< وهنا مربط الفررررررس ==== سارق يصدم شغاله ابو صلبوخ اليماني = تاجر عطور
ببدايه الامر ، ماندري انها شغاله ،، او بنت عاديه .. اعتبرانها انثى في قمة الجمال ، نظراً لجسمها وبياض يديها
وقفنا واحنا في حاله الله اعلم فيها << سارق بالسروال والفنيله << مره اضحك ومره احزن عليه << تشتت مشاعري مع هالانسان
سارق وقت هالمشكله ،، انسان ( نشمي ) فيه الخير << بس المشكله انه اذا احد ناظر فيه ، وجه يقلب من الابيض القمحي لـ الاحمر الغاممممممق << من الاحرااج ولبسه ههههه
اتصلنا على سياره الاسعاف ، طبعا كان في مقدورنا نركبها بالسياره بس خفنا من ان كونها بنت << يلحنقا ظرر او شي
نزل علينا واحد من البيت << ،، قلنا : هذا اخو البنت ( مثل ماتصورنا ) ،،
اللحين .. وصلت سياره الاسعاااااااااااف
ركبت البنت فيها وركب معاها اخوها ،، وانا وسارق ركبنا سيارتنا ولحقنا الاسعاف للمستشفى
وقت بنوقف السياره ،، ( ثوب سارق راح يجهز بالمغسله ) < شوفو الحوسه .. وماتذكرنا هالشي نسينا من هول الموقف
تونا بننزل ،، طبعا المستشفى يبعد 10 كيلو عن المغسله ،، وانا ملقوف = سارق بتنزل كذا بهالملابس؟
شوي ، واسمع صوت الظربه ( طــــــــــع ) < هذا سارق ضرب بكفه على جبهته البرحه
سارق يقول : ياولد نسيت والله وش الحل اللحين ،، وش اسوي انزل كذا والا وشو < قلت مالك الا حل واحد
يااما نرجع .. والا انك تروح وانا بنزل معهم
قال : على قولك انزل وانا بروح اشوف الثوب !!
من المعروف ، ان الوقت بين صلاه العشاء والمغرب ( قصير ) مايتعدى حدود الساعه الا ربع او شي زي كذا
وصل سارق لـ المغسله <<<< قفل الهندي بوجهه قال صلاه والهيئه بتمر من هنا هههههههههههه
انا طبعا في المستشفى ، اتابع اجرائات المرور ،، واجراءات البنت اللي صار لها الحادث
وقتهااااااااااااااااا ،، تعالو دوروني بالمستشفى << افكر في برقع البنت = من حلاوة البرقع
اتصلت على سارق ابي اشوف وش مسوي : سويرق وينك!!؟
قال : انا بالمغسله اللحين بس انتظر الصلاه واجي ان شاء الله على طول
اسمع في صوت سارق ،، همسااااااات (( انين وحزن )) على هالمواقف ،، والسبب = هالعجوز الله يهديها ويحسن ختامها ههههه
بصراحه .. انا حسيت بالحزن وتحطمت بسبب سويرق ،، انسان في ريعان الشباب ، ويفقد كشخته في لمح البصر؟؟؟
يالله ،، وين ضحكت سارق وقت هو متكشخ ،، وووين ابتسامته المفعمه بالحيااااااااه ،، وببوادر الاعجاب من الناس الاخرين له
راحت كلها في لمح البصر <<<<<<<<<<<< ماقدر اوصف هالموقف على ساااااااارق
نكمل ... والا نخليه جزء ثااااااااني ؟؟؟؟؟؟؟؟؟؟؟
نكمــــــــــــــــل
بعد ربع ساعه من اتصال سارق ،، اتصل فيني قال : عبود انا وصلت وانا اللحين ببوابه المستشفى ، وحدد موقعك وينك < ينقال له ضابط
قلت : انا بالدور الاول = قسم الطوارئ تعال هناك بتلقاني وبتلقى عسكري ،، وابو البنت = ينقال لي واثق ان البنت بنت هالرجال ههههه
جانا سارق ،،، ووين سارق اللي كان مرتز بالعقال والشماغ ،، نقطه تحول في حياته اليوميه
من عقال وشماغ لـ كااااااااب جينز ( مكبوب عليه ) عصير تفاح وتعالو ناظرو لون الكاب مع لون العصير هههه
<<<<<<<<<<<<<<<<<<<<< يضحك على مواقفه مع سااااااااااااااارق هههههه
سارق : على طول لاسلام ولاشي : يناظر في ابو البنت اللي نتوقع انه ابوها
كيف الحال ياعم : اخبارك ،
قال له العم : الحمد لله ياولدي ،،،
قال سارق : الحمد لله على السلامه ،
قال العم : الله يسلمك
ان شاء الله اخر الاحزان ومن هالكلااااااااااااام الطويل
سارق يجي عندي : شلون البنت ، قلت: طيبه ان شاء الله ،
قال: وش جاء فيها قلت كسر بالرجل اليسرى
شوي وسارق يقول : يالبى قلبها <<<<<<< واحس ان صدره ينتفض هههه ( نظرات اعجاب في البنت ) من ورا الستاره
سارق : تبدو في ملامحه ،، الشوق + الاعجاب بـ الفتاه ،، < حسيت وقتها قال قصيده بداخله .. بس مارضى يقولها
لانه لو قالها <<<<<<< انا طبعا راح احسده واطلع في هالقصيده العيوب كلها << نتنافس( من يظفر ) باعجاب البنت هههه
جانا الضابط ، وخلصنا كل الاجرائات .. والرجال تنازل وطلع فيه الخير ،
وقال العم : ياولدي هذا رقم جوالي وتلفون البيت لو احتجتو شي انا بالخدمه
قلنا: بيض الله وجهك << سوالف بدو ، ومسوين فيها ،، والله يجزاك بالجنه ياعم
سارق : (((((((((((((((((( يسجل الارقام وهو متلهف )))))))))))) والسعابيل تغطي شاشه الجوال ( برج العرب ) مكسور الشاشه
طلعنا من المستشفى .. سارق قال : والله مالي نفس .. اروح السوق ، حالتي النفسيه ماتسمح << تكفى يانعومي
وسارق كان ايام الديره ،، يبرك البعير بالقوه ، وينحر التيوس ويذبحها < لكن تأثير المدينه على البدو <<< يقلب كيانهم
ماعلينا .. قلت : هاه حبيبي سارق وين تبينا نروح ..
قال : والله نفسي اتعشى اللحين ،، احس اني دايخ وجوعان
قلت : اجل وين نروح ياسارق : قال ابي مطعم كبده ( لاتعليق )
قلتله : سارق اجل مطعم كبده بالليل ؟؟؟؟؟؟؟؟؟
قال : ايه وش فيها ، قلت : الكبده بالصباح مو بالليل ياطعس
قال : ياخي نفسي في شي دسم ،،، مو في اكل بوفيات : طفشت من البوفيات
قلت : طيب وش رايك نتعشى طاجن ،، ومشوياات . عشان تعدل مزاجك واحلى نومه لك الليله
قال : يالله نروح نتعشى
وصلنا المطعم وسارق يفكر ، وشارد الذهن في اكثر من موقف
اقول له : سارق يالله حاسب الرجال الهندي اللحين مو فاضي زباينه كثير << وهو يناظر في الجوال
بصراحه .. وقتها مطفر بس سارق كان معه ( 40 ريال ) 20 للبنزين ،، وعشرين للفله < يحسبها ههههههه
طبعا اكثر الفلوس راحت بنزين وغسيل ثياب << كلها عشان كشخه سارق اللي راحت وطي
انا عاد اسال سارق واحاول احتك فيه احتكاك سقيم < بما انه شخصيه وكشخه ( ههههه ) ,, وش فيك حبيبي سارق ؟
قال : ياخوي من صدمت البنت .. وانا احس ان فيني شي متغير < مثل اللي يقول انا حبيتها < بس بطريقه غير مباشره
قلت يارجال :: ربك كريم ولطف فينا اليوم ، والمصايب ياكثرها << سارق يقول : ايه بس والله يوم ممتع لي
احسه يضحك على نفسه ،، وقت يقول انه حصل فيه شي مو طبيعي < ينقال له اللحين مسوي علاقه مع البنت منذو اربع سنين
وانا طبعا ، ماراح ابري نفسي من هالتهمه ، انا بعد .. اعجبت في البنت ، ومابيها تروح مني < كيفي وحر ؟؟؟؟ ههههههه
سارق ما أكل شي الا يمكن بقدر اللقمه ( بالعاميه ) وانا طبعاَ .. صفرت صحني على الاخر < ماشاء الله
ركبنا السياره ،، سارق = يشغل اغنيه خالد عبدالرحمن ( انا وياه ماندري هوينا بعضنا وشلون ) < جوه رومانسي هههه
بصراحه .. اللحين لازم اشوف لسارق حل ،، الولد متغير وصار جوه رومانسي ، وقلبه مو بيده بيد هالبنت
رجعنا ، كل واحد راح بيته ،، وكل واحد في تفكيره
سارق ،، صاحي من الصباح وقت المشاكل هذي .. تخيلو نام اليوم الثاني الساعه 6 بالصباح ؟؟
تغيير واضح وصريح في حياه سارق حبيب قلبي < ولكن لـ الاسف لـ الاسوى < هههههههههههههههه
اليوم الثاني يتصل فيني سارق : وينك عبود < وبكل اسلوب جاف ، تووه صاحي من النوم على العصر
قلت : انا بالبيت
قال : انزل بمرك ،،، قلت : المعذره بصراحه اللحين انا في السوق < غيرت الموضوع على طول ماودي اروح معه بسبب هالمشاكل هههه
<<<<<< نذل ويعترف هههههههههههههههههه
المهم قال : خلي السماجه على جنب ، وانزل لي ،، قلت : ابشـر حبيب البي ماطلبت الا عزك
عاد جاني سارق وركبت وياه وبدا يسولف لي سوالف مدري وش نهايتها
يقول ابي اتطمن على البنت ،، بس وش السواه .. قلت ماعليك تدبير هالامر علي انا
اهم شي ريح بالك من التفكير .. وانا اللي بشوف لك الحل ،،، يالبى قلبك
قال لا .. اللحين أبي اتطمن على البنت وش صحتها وش صار عليها
قلت طيب .. اللحين بتصل على ابوها وبشوف وش صارت عليه البنت ياقلـبي بس اهم شي ريح راسك
اتصلت على جوال ابو البنت : قلت السلام عليكم وكيف الحال ...... إلخ
ياطويل العمر .. حبيت اسالك عن صحة بنتكم .. قال الحمد لله ماعليها طيبه
قلت بشـروك بالجنه .. اهم شي صحتها بس حنا ودنا نوصل لها هديه والهديه واجبه للمريض والمصاب بهالحاله
قال مايحتاج ياولدي .. اهم شي السلامه ،، والرضى .. والله يرضى لي عليكم وماتقصرون
سارق وقت اسولف مع الرجال يناظر فيني ، والمح في نظراته .. طلب الشفقه واني ارد عليه بخبر البنت
قفلت انا ، وسارق بدأ يسأل :: عبود وش صار على البنت .. قلت الحمد لله هي بخير ،، شوي وسارق يقول اوكييييه ويرفع يدينه فوق راسه
طبعا اللي سواه سارق ،، من الفرحه وانه تطمن على البنت وصحتها
تخيلو وش سوا سارق عقبها ؟؟؟؟؟؟؟؟؟؟؟؟؟؟
راح يلفلف فيني بشارع بيت البنت ،،، ومشغل اغنيه .. ( عشق ابدوي لاحب ماهو بكذاب ) << اترك لكم الراي في هذا
والله وصلينا المغرب .. وعقب المغرب قال سارق .. لازم نشوف حل لهالرجال حتى يقبل الهديه
قلت والله الرجال يصرفنا .. وواضح انه مايبي شي لكن .. بنشوف اللحين وش السالفه وياه هات بتصل
<<<< مسوي فاهم وشيخ ولكن للاسف تسبب في كسر خاطره وخاطر صاحبه سارق ههههههه
الو .. العم فلان كيف الحال .. إلخ
حبيت اسالك ياعمي ،، ممكن نتشرف ونزورك بالبيت ونجيب معانا هديه لبنتك المصون؟؟
العم :: انت من اليوم مقلقني تقول بنتي المصون ،، وش سالفه هالبنت معاكم ؟؟
قلت هماها البنت .. بنتك ؟؟؟؟؟؟؟؟؟؟؟؟؟؟؟؟؟
طبعا سارق لاحظ فيني اختلاف تعابير ملامح وجهي ،، اللي صار بنفس الوقت قفاااااااااااا هههههه
قال ياولدي : هذي الشغاله حقتنا ،، اندونيسيه .. وجاء لها اليوم فترة نقاهه من مكتب الاستقدام وتسافر لـ أهلها ههههه
انا في هاللحظه مصدوم ،، وودي اضحك .. وودي اكفخ سااااااارق
قفلت انا وجهي فيه مليون علامه استفهام وتعجب وضحك ودهشه .. وكل شي يخطر على بالكم
سارق : هاه بشر عبودي وش صار ؟؟؟؟؟؟؟؟؟؟؟
قلت ياسارق امر الله وماشاء فعل ،، البنت ماطلعت اللي على بالك
قال وشلون ماطعلت انها على بالك // وش تخرف انت
قلت له :
اللي تحبها وتعلقت فيها ( شغاله العم ) اسمها " سعديه "
سارق : تبدو على ملامح وجهه الشبوح ،، والكئابه ،، والغطرسه في نفس الوقت
سارق : يبدأ بتوجيه الشتم ، شتمه تلو الاخرى علي : وتسبب في نزولي من السياره في احد شوارع مدينه جده ههههه
رحت البيت كعابي + تاكسي ههههههههههههه ،، وحذف رقمي من جواله ههه
حظ اوفر ياصاحبي هههههههههههههههههههههههههههههههههههههههه
وسلامتكم ،، ان شاء الله انها اعجبتكم + الردود السنعه + اطلب الحمايه منكم وتدافعون عني (~سارق~) بيكفخني هههههههههه
لووووووووووووووووووووووووووووووووووووووووووووول
مقلع حتىآ الموت
المواضيع المتشابهه
احلىآ هجوله في جده لوووووووول
العرض العادي
